Սպառողական վարկ աշխատավարձի հիման վրա

*Կախված՝ վարկի գումար/աշխատավարձ և դրան հավասարեցված վճարներ հարաբերակցությունից՝ սահմանվում են վարկի տրամադրման հետևյալ պայմանները՝

• Հաշվարկային աշխատավարձի մինչև եռապատիկիչափ վարկ ստանալու համար անհրաժեշտ է վարկառուի գրանցված աշխատանք ստանալու հանգամանքը:
• Հաշվարկային աշխատավարձի  եռապատիկից ավել մինչև հնգապատիկիչափ վարկ ստանալու համար վարկառուն պետք է ունենա գրանցված աշխատանք: Անհրաժեծտ է նաև մեկ ֆիզիկական անձի երաշխավորություն, ով կունենա հիմնավորված եկամուտ կամ սեփականության իրավունքով իրեն պատկանող անշարժ գույք կամ ավտոմեքենա:
• Հաշվարկային աշխատավարձիհնգապատիկից ավել վարկ ստանալու համար վարկառուն պետք է ունենա գրանցված աշխատանք: Անհրաժեշտ է նաև երկու ֆիզիկական անձի երաշխավորություն, ովքեր կունենան հիմնավորված եկամուտներ կամ սեփականության իրավունքով իրենց պատկանող անշարժ գույք կամ ավտոմեքենա:

Սպառողական վարկի էական պայմանների ընդհանրական թերթիկ

Անհրաժեշտ փաստաթղթեր

• Վարկային դիմում-հայտ /լրացվում է ընկերության գրասենյակում/
• Անձնագիր և սոցիալական քարտ կամ նույնականացման քարտ (դիմումատուի, երաշխավորների) :
• Դիմումատուի եկամուտները հավաստող փաստաթղթեր :
• Երաշխավորի եկամուտները կամ սեփականության իրավունքը հաստատող փաստաթղթեր :
• Դիմումատուի կամ երաշխավորի կողմից աշխատավարձի տեղեկանք ներկայացնելու դեպքում, այն պետք է պարունակի առնվազն հետևյալ վավերապայմանները` զբաղեցրած պաշտոնը, ամսական աշխատավարձի չափը, տրման ամսաթիվը և կազմակերպության ղեկավարի ստորագրությունը :
• Այլ լրացուցիչ փաստաթղթեր կամ այլ ապահովվածության միջոցներ, որոնց անհրաժեշտությունը որոշում է վարկային կոմիտեն:                                                                         

Սպառողական վարկերի պայմաններին կարող եք ծանոթանալ նաև  ՛՛Ֆինանսներ բոլորի համար՚՛՛  www.abcfinance.am      ինտերնետային կայքի ՛՛Ֆինանսական Տեղեկատու՛՛  համակարգի միջոցով:

ՈՒշադրություն.

• Վարկի գումարը և հաշվարկված տոկոսները ժամանակին չվճարելու դեպքում ուշացման յուրաքանչյուր օրվա համար հաշվարկվու է տույժ՝ վարկի և հաշվարկված տոկոսների մարման ենթակա գումարի օրական  0.13 տոկոսի չափով : Տոկոսների, տուգանքների և տույժերի հաշվարկը կատարվում է մինչ հաշվարկված բոլոր պարտավորությունների ամբողջությամբ կատարումը :
• Վարկի գումարը և հաշվարկված տոկոսները ժանամակին չկատարելու դեպքում օրենքով սահմանված կարգով Ձեր գույքի վրա կարող է տարածվել բռնագանձում:
• Վարկային կազմակերպության նկատմամբ Հաճախորդը պատասխանատվություն է կրում սեփականության իրավունքով իրեն պատկանող ամբողջ գույքով (ունեցվածքով)՝ ՀՀ օրենսդրությամբ սահմանված կարգով:
• Վարկի վաղաժամկետ մարման դեպքում տույժեր չեն կիրառվում:
• Վարկի տոկոսագումարները հաշվարկվում են անվանական տոկոսադրույքի հիման վրա: Տարեկան փաստացի տոկոսադրույքը ցույց է տալիս, թե որքան կարժենա վարկը Ձեզ համար տոկոսագումարները և այլ վճարները (վարկի սպասարկման վճար, վարկի գումարի կանխիկացման վճար, գույքի գնահատման ծախսեր, գրավի պայմանագրի պետական գրանցման վճար, գրավի առարկայի  սահմանափակումների մասին տեղեկանքի վճար և այլն) սահմանված ժամկետներում և չափերով կատարելու դեպքում:  Վարկի տարեկան փաստացի տոկոսադրույքի հաշվարկին կարող եք ծանոթանալ այստեղ