Սպառողական վարկեր ավտոմեքենայի գրավադրմամբ

Սպառողական վարկի էական պայմանների ընդհանրական թերթիկ                                              

Վարկատուն նախքան վարկային պայմանագրի կնքումը տրամադրում է Անհատական թերթիկ՝ համաձայն Հայաստանի Հանրապետության Կենտրոնական բանկի խորհրդի 2009 թվականի հուլիսի 28-ի թիվ 229-Ն որոշմամբ հաստատված «Ֆինանսական կազմակերպությունների գործարար վարվելակերպի կանոնները» կանոնակարգ 8/05-ի:

«Գառնի Ինվեստ» ՈՒՎԿ ՓԲԸ-ի կողմից վարկերը կարող են տրամադրվել ինչպես ամբողջությամբ՝ վարկային կոմիտեի կողմից հաստատված գումարի չափով, այնպես էլ՝ մաս-մաս: Ընկերությունը վարկերը տրամադրում է ՀՀ առևտրային բանկերի՝ «Գառնի Ինվեստ» ՈՒՎԿ ՓԲԸ-ին սպասարկող հաշիվներից:

<<Գառնի Ինվեստ>> ՈՒՎԿ ՓԲԸ-ի կողմից տրամադրված վարկի մայր գումարը և տոկոսագումարները մարվում են համաձայն <<Գառնի Ինվեստ>> ՈՒՎԿ ՓԲԸ-ի և վարկառուի միջև կնքված վարկային պահմանագրի: Վարկի տոկոսագումարի վճարումը կատարվում է յուրաքանչյուր ամիս, իսկ մայր գումարի վճարումը կարող է կատարվել ինչպես պարբերական սկզբունքով, այնպես էլ հատուկ գրաֆիկի համաձայն:

Գառնի Ինվեստ ՈՒՎԿ ՓԲԸ-ի կողմից գրավով ապահովված վարկերի տրամադրման դեպքում տրամադրվող վարկի հարաբերությունը գրավադրվող գույքի գնահատված շուկայական արժեքին չպետք է գերազանցի 75 (Յոթանասունհինգ) տոկոսը:

Վարկի տրամադրման (մերժման) որոշումը կայացվում է Ընկերության վարկային կոմիտեի կողմից վարկավորման համար անհրաժեշտ բոլոր փաստաթղթերը ներկայացնելու պահից 2 (երկու) աշխատանքային օրվա ընթացքում: Ուսումնասիրության ընթացքից ելնելով՝ վերոնշյալ ժամկետը կարող է երկարաձգվել, բայց ոչ ավել, քան 3 (երեք) աշխատանքային օրով: Վարկային մասնագետը անհապաղ քայլեր է ձեռնարկում վարկային կոմիտեի որոշման մասին հաճախորդին տեղեկացնելու ուղղությամբ: Դրական որոշում կայացնելու դեպքում վարկառուի հետ կնքվում է վարկային, իսկ երաշխավորների հետ՝ երաշխավորության պայմանագրեր, որից հետո կատարվում է վարկի տրամադրումը համաձայն վարկային պայմանագրում նշված ժամկետների:

Անհրաժեշտ փաստաթղթերը մինչ վարկը հաստատվելը՝

• Դիմում–հայտ (լրացվումէ ընկերության գրասենյակում) :
• Դիմողի անձնագիր, սոց. քարտ կամ նույանականացման քարտ :
• Գրավադրվող շարժական գույքի սեփականության իրավունքի վկայական և տեխնիկական անձնագիր :
• Գրավադրվող շարժական գույքի սեփականատիրոջ անձնագիր սոց. քարտ կամ նույանականացման քարտ  և ամուսնության վկայական /ամուսնու անձնագիր/ կամ ամուսնալուծության վկայական առկայության դեպքում:

Անհրաժեշտ փաստաթղթերը վարկը հաստատվելուց հետո՝

• Այլ լրացուցիչ փաստաթղթեր կամ այլ ապահովվածության միջոցներ, որոնց անհրաժեշտությունը որոշում է վարկային կազմակերպությունը :

Սպառողական վարկերի պայմաններին կարող եք ծանոթանալ նաև  ՛՛Ֆինանսներ բոլորի համար՚՛՛  www.abcfinance.am      ինտերնետային կայքի ՛՛Ֆինանսական Տեղեկատու՛՛  համակարգի միջոցով:

ՈՒշադրություն.

• Վարկի գումարը և հաշվարկված տոկոսները ժամանակին չվճարելու դեպքում ուշացման յուրաքանչյուր օրվա համար հաշվարկվու է տույժ՝ վարկի և հաշվարկված տոկոսների մարման ենթակա գումարի օրական  0.13 տոկոսի չափով : Տոկոսների, տուգանքների և տույժերի հաշվարկը կատարվում է մինչ հաշվարկված բոլոր պարտավորությունների ամբողջությամբ կատարումը :
• Վարկի գումարը և հաշվարկված տոկոսները ժանամակին չկատարելու դեպքում օրենքով սահմանված կարգով Ձեր կողմից գրավադրված գույքի վրա կտարածվի բռնագանձում:
• Եթե Վարկային կազմակերպության նկատմամբ Հաճախորդի ունեցած պարտավորությունների կատարման համար գրավադրված գույքի արժեքը չի բավարարում, ապա հաճախորդը չբավարարող մասով /չափով/ պատասխանատվություն է կրում սեփականության իրավունքով իրեն պատկանող ամբողջ գույքով (ունեցվածքով)՝ ՀՀ օրենսդրությամբ սահմանված կարգով:
• Վարկի վաղաժամկետ մարման դեպքում տույժեր չեն կիրառվում:
• Վարկի տոկոսագումարները հաշվարկվում են անվանական տոկոսադրույքի հիման վրա: Տարեկան փաստացի տոկոսադրույքը ցույց է տալիս, թե որքան կարժենա վարկը Ձեզ համար տոկոսագումարները և այլ վճարները (վարկի սպասարկման վճար, վարկի գումարի կանխիկացման վճար, գույքի գնահատման ծախսեր, հիփոթեքի պայմանագրի նոտարական վավերացման վճար, ՀՀ ԿԱ անշարժ գույքի գնահատման ծախսեր, հիփոթեքի պայմանագրի նոտարական վավերացման վճար, ՀՀ ԿԱ անշարժ գույքի կադաստրի պետական կոմիտեում կատարվող վճարներ) սահմանված ժամկետներում և չափերով կատարելու դեպքում: Վարկի տարեկան փաստացի տոկոսադրույքի հաշվարկին կարող եք ծանոթանալ այստեղ :

Մանրամասների համար զանգահարել (010)58-28-88 կամ (044)58-28-80 հեռախոսահամարով 

Թարմացվել է` 16:00 06.10.2022