Հաճախորդների իրավունքները
Ցանկացած անձ իրավունք ունի ստանալու «Գառնի Ինվեստ» ՈՒՎԿ ՓԲԸ-ի (այսուհետ նաև՝ Կազմակերպություն) վերաբերյալ՝ “Բանկերի և բանկային գործունեության մասին” ՀՀ օրենքի 20-րդ հոդվածի 3-րդ մասով, 43-րդ հոդվածի 2-րդ մասով սահմանված տեղեկատվության պատճենները (ՀՀ Բանկերի և բանկային գործունեության մասին օրենքին կարող եք ծանոթանալ հետևյալ հղումով` “Բանկերի և բանկային գործունեության մասին ” ՀՀ օրենքը):
Սույն տեղեկության տրամադրումն անվճար է:
Վերոնշյալ տեղեկությունները «Գառնի Ինվեստ» ՈՒՎԿ ՓԲԸ-ն տրամադրում է ցանկացած անձի գրավոր դիմումը ստանալուց երեք աշխատանքային օրվա ընթացքում, բացառությամբ, եթե դիմումի մեջ նշված է այլ ժամկետ: Գրավոր դիմումը կարող է ներկայացվել հետևյալ ձևերով.
- առձեռն` Կազմակերպության գրասենյակում (ՀՀ քաղաք Երևան, Թումանյան փող. 32/17),
- էլեկտրոնային փոստի միջոցով` info@garniinvest.am հասցեով,
- փոստային կապի միջոցով հետևյալ հասցեով՝ ՀՀ քաղաք Երևան, Թումանյան փող. 32/17:
Կազմակերպության կողմից անձի դիմումին պատասխանը տրվում է այն կապի միջոցով, որով ստացվել է համապատասխան դիմումը:
«Գառնի Ինվեստ» ՈՒՎԿ ՓԲԸ-ի կողմից իր հաճախորդների բողոք-պահանջների ընդունման/ստացման, քննարկման և վերջիններիս արձագանքման գործընթացը, գործողությունների հերթականությունը սահմանվում է «Գառնի Ինվեստ» ՈՒՎԿ ՓԲԸ-ի Խորհրդի նախագահի կողմից՝ 29.05.2014թ., թիվ 027 նիստով հաստատված Հաճախորդների բողոք-պահանջների ընդունման և քննման գործընթացը կարգավորող կարգով:
Բողոք-պահանջ ներկայացնելու համար կարող եք օգտվել հետևյալ հղումներից`
- Հաճախորդի կողմից բողոք-պահանջի ներկայացման հայտ
- Ստացական հաճախորդի կողմից բողոք-պահանջի ստացման մասին
- Հաճախորդների բողոք-պահանջների ընդունման և քննման գործընթացը կարգավորող կարգ
- Վեճերի լուծման բացատրական ամփոփագիր
- Կազմակերպության դեմ հաճախորդի կողմից ներկայացված բողոք-պահանջի քննության գործընթացը նկարագրող ամփոփաթերթ
Հայտարարություն` ֆիզիկական անձ հաճախորդը հնարավորություն ունի ներկայացնելու Կազմակերպության և հաճախորդի միջև կնքվող գործարքից բխող պահանջները Ֆինանսական համակարգի հաշտարարին: